Selle walla perrisostja Jurri Anderson aste kohto ette nink kaibas minna lätsin 27 Decembril m.A. Arromoisa Sarwe kõrtsi nink ostsin üts pang õllut  kui rahha kotti wälla wõttin nink massa tahtsin tõmmas kõrtsimees Johan Kusik minno käest rahha kotti erra selle ütlemisega et minna ollewat temmale 1 R wõlgo, minnol olli sääl kotti sehen 74 R nink pallun et kohus käsep kärtsimehel minno rahha kätte anda. 

Saige ette kutsuto kõrtsimees Johan Kusik nink üttel se om õige et minna temma käest rahha kotti erra tõmmasi sest temma olli mulle wõlgo nink es massa konnagi erra. Ent ni kui minna rahha kotti erra wõtsin lats temma Jürri Anderson kortsi läwest wälla nink minna kutsin perremiis Andres Wirman töisest tarrest körtsi nink kaieme rahha kot läbbi ent sääl es olle mitte rohkemb kui 3 R 42 K.

Perremiis Andres Wirman saige ette kutsotus nink wastas küsimise pääle se om kül õige et siis enamb rahha kui 3 R 42 K kotti sehen es olle kui meie körtsimehega kaime ent ega minna ei woi tunnistada kui paljo Jürri Andersonil rahha olli sest ega minna kotti wõtmise man es olle.

Moistus

Jürri Andersoni kaibust suremba kohto kätte anda kui suremb kohus arwab körtsimeest erra wannutada sest muido ei woi teda sundi seda rahha massa mis Jürri Anderson nõwwab.

Walla wanemb Jaan Uint XXX

Peakohtumees Andres Tageperra XXX

Abbikohtomees Hans Walgerist XXX

                 do    Jaan Koch XXX

Prottocoll ...folgt  vom 23 Januar