Mõtsa walitsuse eest tulli ette Johann Moor, ja tõstse kaibust Hindrik Truija pääle, et wiimatse 12 lehma sel 24 Julil Mõisa kassu mõtsa all on olnu, palle egga ellaja päälr 1 rubl. wälja mõista, sedda on Mõtsawaht Jaan Puusepp kinni wõtnu ja ülles andnu.

Hindrik Truija oli kutsumise pääle ette tulnu, ja andse selle kaibuse pääle wastuses, et kui minno karri mõisa mõtsa all on olnu sis peab karjus sedda wastotama, et meije sedda wastota ei wõtta.

Karjus Josep Horn oli ette tulnu, ja üttel et minna olin küll sel 24 Julil karjan aga mitte mõisa mõtsa all, ennegi Hindrik Truija maa pääl, ja minna mõtsawahti nännu ei ole sel päiwal, aga Mõtsawahi poig käwwe küll minno man kui minna Truija maa pääl olin.

Mõtsawaht Jaan Puusepp and tunnistust, et sel 24 Junil wõtse minna Hindrik Truija karja mõisa raodu päält kinni ja Josep Horn oli karjan.

Selle pääle es ütle kohton käija ennamb mittagi ütlemist olewad, sis

Mõisteti:

et Karjuse Josep Horni wälja ütlemise pääle, et temma perremehe maa pääl karjaga olnu on, ja päälegi mõtsa waht Jaan Puusepp essi mitte man käunu ei ole, aga Mõtsawahi poig käwwe küll man, ja et päälegi Mõtsawaht wanuted ei ole, ja ka tunnistust es ole et se karri mõisa mõtsa all oli sis se mõtsawalitsuse kaibus tühjas tetta.

Se kohto otsus saije kohton käijele ette loetus ja ärra selletedus § 773, ja 774 perra.

päkohtomees Johan Konz [allkiri]

kohtomees Peter Juk [allkiri]

abi   "          Ado Turwas [allkiri]

Kirjotaja: Piirisild