Ewa Wassil kaipap sin koggontusse kohtuman, et Mangu Lüüs om tedda karjaman juusit pitti mahha tõmmanu, nink põlwiga sälga sõknu, selle et lamba om rüa hakke päle lännüwa. 

Mangu Lüüs sai ette kutsutus, nink se kaipusse päle küssitus, ja temma ütles selle kaibusse wõlsi ollewat, sest temma ei olle tedda mitte löönu, ei ka mahha tõmmanu, wai om enne rati pitti tõmmanu, ja Ewa Wassil om üttelnu, olle sa waik, kas minna sinno pelgama nakka. 

Tunnistaija Isak Lazarus ütlep, temmä om nännu, et lamba om roa hakke päl ollu, ja Mangu Lüüs om sinna tulnu, nink tedda tõrrelnu, sis om Ewa Wassil üttelnu, olle waik wanna Mango kas minna sinno pelgama nakka, sis om Mango Lüüs tedda kaknu. 

Tunnistaia Maddis Suija ütlep lamba olli hakke pääl nink Mango tulli ja wõt Ewal rättist kinni, ja tõmmas temma mahha, ennam ta ei olle nännu. 

Otsus. 

Et Mango Lüüs omma lubbaga sedda last om kaknu, peap temma 2 rubla trahwi masma, 1 rubla saab selle latsele, ja teine rubla waesto ladikude.  Se rahha om Mango Lüüs ärrä masno. 

Pakohtumees Karl Zimmer XXX

kohtumees Märt Lüüs XXX

Rein Anton XXX

Sahker Pik XXX