Moisa perris herra poolt panti Wiisjago perrmehhe Gustav Bloom wasto sedda kaibust ette.

Nimmitedo perremiis ollewat henda tallost arwata 200 punda Õlgi omma henge maa pääle ehhiteddo maja kattusse tarbis Kaweldas errawiino, ja ollewat perremiis 4 wakkama linna rohkemb tenno kui õigus. Nink ei olle kuis kontrahtin saisap Ristikhaina küllino, ja wimate ei ollewat temmal kontrahti perra ellagat soetedo. Moisa perrisherra noudis neid süisit tunnistagide läbbi erra kullelda. Nink kui awwalikkos saap et G. B. nimmelt maja põhko om häwitano tedda ni kui kontrahtin kinnitedo majast Jürripäiwas s.a. walla moista.

Kutsoti ette Wiisjago tallo perremiis Gustav Bloom nink wastas küssimisse pääle

1. temma ei ollewat mitte üts kubbo wiisjago maa pält saado olgist erra wiino, se üts koorem mis keskpäiwa aigo wiino nink muu tallo rahwas ka nännowa ollu temma ostedo maja wanna rästas wihho, Need õllet mis Kaweldas wiino henda kattusse katmisses ollewat Ullila Sibberi kõrtsimees Karli Rüssak kokko ostno.

Linna es ütle rohkemb küllino ollewat kui 2 1/2 wakkamad. Ristikhaina perrast üttel need maad ei pea kandma ja ei olle temmale Ristikhain tallo wõtmisse aigo kätte anto. Eina hukka minnegi perrast es ütle woiwat ses talwes täwwelikko karja ülle woiwat jätta.

Kutsoti ette kattusse katja Jaan Panter kes pidi teadma kui paljo nink kost Gustav Bloom neid õlgi toono om henda maja manno Kaweldas. Jaan Panter tunnist kolmapäiwal enne Joulo toono Gustav Bloom 2 koormat lühhikeisi seggite wanna õlgi, sel sammal päiwal toono weel 2 koorm pikki õlgi, ja üttelnu et neid ütte kawelda mehhe manno mahha pandnu. 

Reedi enne Joulo ommugo päiwa tõusaigo toono gälle 2 koormat lühhikeisi õlgi, ja naine ollo ka ütten. Poolpäiw ommugo warra toono gälle 1 koorma lühhikeisi õlgi, wimatse koorma aigo üttelno Kusta Bloom nüid saap meil 200 Leisik ollema ent kost G.B. neid Õlgi toono es ütle Jaan Panter teedwat.

Kutsoti ette tõine tunnistaja moisa moonamees Andres Keerman, nink tunnist temma länno enne Joulupühhi ommugo warra weskile nink kui Wiisjago kõrtsi manno saano sõitno perremiis katte koorma wastside õlgiga rehhe alt wälla nink naine olla ütten. 

Tõine tunnistaja Ullila Sibberi kõrtsimees Karli Russak tunnist temma ei olle mitte ütte punda Õlgi Wiisjago perremehhele kokko ostno om ennegi lubba andno henda Õlgi kõrtsi otsa mahha panna nink om temma Russak nänno et 60 kubbo sinna mahha panto ollu.

Moistus.

Kohhus arwas et need 60 kubbo õlgi ka Gustav Bloom Wiisjagolt om wiino. Selle perra peap Gustav Bloom 120 kobbo õlgi Wiisjago tallosse murretsema ehk massap 12 R nink kaotap kontrahti kinnitusse perra Jurrip. s.a. henda kottos.

Päkohtomees Johann Lucht

kohtomees Jaan Koch

kohtomees Johan Uint

Gustav Bloom pallus Prottocolli. Oppusse leht anti kätte.