Lusti kubjas Ado Joakit kaipas et Jaan Kraaw om püssiga jahhi pääl käunu, kui Ado Joakit tedda om tahtnu kinni wõtta, ehk püssi käest ärrä wõtma, sis om Jaan Kraaw wäitse wälja wõtnu ja ei olle ka püssi käest ärra andnu nink om üttelnu: "minna püssi käest ärrä ei anna, sago mes saap!"

Jaan Kraaw tulli kohto ette nink salgas selle Ado Joakiti kaipusse ärra, ja ütles, et temmal wäits nalja perrast om käen olnu. 

Tunnistaja Peter Kimmer ütles et Ado Joakit om üttelnu: "anna püss ärra käest." Sis üttel Jaan Kraaw: "minna püssi käest ärrä ei anna." Sis om Hindrik Sohwa mannu lännu ja om üttelnu: "panne wäits käest ärra ja kõnnele ilma wäitseta!" perrast om Sohwa wäitse käest ärrä wõtnu, nink Ado Joakit om püssi Jaan Kraawi käest ärrä wõtnu. 

Otsus.

Et Jaan Kraaw omma lubbaga jahti om piddanu, jääp püss mõisa ommas; selle wäitsega ähwärdämisse eest massap Jaan Kraaw 3 rubla waeste ladiku trahwi.

Päkohtomees Märt Lüüs XXX

Kohtomees Karl Post XXX

  "  Jaan Reiljan XXX

  "  Rein Hist XXX