Wanna Koiola koggokonna kohtun Wissen, sel 7tal märzil 1877.

Man olliwa kohtowan(n)emb, Michel Kurwitz

                    kohtomees, Jaan Plak

                    kohtomees, Michel Plakso

Känksep J. Kolmann kaibap, et Awerka Uwarow tem(m)a jootiko selli käest, kes nüüd ärra lännu; 2 pari saapit alt käe wasta wõtnu; nõwwap 30 rbl. sis om rahho. 

Awerka Uwarow wastutas:"Min(n)a olle kül 1 paar saapit 3me rbla ja 1 paar kängi 80 kopka ette wasta wõtnu; mes tem(m)a sell pari päiwa perrast lubbas wälja wõtta ja rahha mulle taggasi massa; ent saapa wõt taggasi ja mas minno rahha 3 rbl. jälle kätte; ent känga omma parhella 80 kopka eest minno käen; mes selle rahha ette jäiwa.

Moistetu: Et sell saapa taggasi wõtnu ja känga wennelasse Awerka Uwarow kätte, sisse jätnu; mes woip J. Kolmann tem(m)a käest kätte sada. -

Otsus: Awerka Uwarow peap känga täämba J. Kolmann kätte taggasi andma ja perramenne peap 80 kop. enne ärra masma.

Kohtokäüjile otsus ette loetu, suremba kohtokäümisse sädua § 772, 773 n. 774 perra kulutedu.

                            Kohtowannemb, Michel Kurwitz  XXX

                            Kohtomees, Jaan Plak  XXX

                            Kohtomees, Michel Plakso  XXX

                                 Kirjotaja, J. Käis