Moisa herr om kuulda sanu, et Mihkel Karsna kes maaska ma pääl elläs herrä orjusse pääl kon töisi rahwast ka elläwä, om Kaibus et Mihkel omma naisega halwaste elläs taples ni hirmsal wisil et lubba omma naist ärrä tappa, Selle päle sawa tunnistama kes sääl liggi elläwa Mihkel Tobre tunnistas, kus om Mihkel Karsna omma naist omman tarren lönu, ni rassetast et ta mahha om sanu lödüs, töine körd om jälle Mihkel Tobre nännü om Mihkel Karsna jäl lönü russigaga ja puu halloga ni et Külle sissen om suur haab olnu. Tomas Laas om kuulnu kui Mihkli naine om päle pesmisse Toma manno kaibama tulnu et ta teddä om pesnu, to naine es tohhi essi kaibada kohtule, tolle perräst et sis om lubbanu Mihkel Karsna omma naist ärrä tappa kui temma päle kaibas ja trahwitus saap. to tunnistus om neide liggi ellajide poolt kes kaibawa, ja tunnistawa mes nännü ja kuulnu ommawa et kohhus peäp perrä kullema muido saap se naine santis tettüs nink weel Tunnistas Mihkel Tobre kes temmal koggoni liggi elläs et mitto pesmist om sanu käest ärrä wotus ja lubbeb omma naise luu purrus tettä, ja nimmelt om to naine Kohtumehhele tunnistanu et 4 Junil om ta mötsan to man tahtnu kiwwiga naist lüwwä, om wissanu nink es olle päle johtunu.

Mihkel Karsna sai to kaibusse päle ette kutsutus tunnistas Koggogunna Kohtu nink moisa herrä een et temma om omma naist kül lönu, nink sai moistus tolle eest Mihkel Karsnale et ta omma naist om lönu 30 witsa löki ja sai nida manitsetus ja karristetus et ei tohhi ennämb eddessi piddi omma naist kige wähhämbäst lüwwa kui weel töine körd to ette tullep sis saap ma kohtu hirmo läbbi karristetus.

Pä Kohtumees Ado Plado XXX

Kohtumees Ado Maask XXX

Kohtumees Peep Müürsepp

Wöölmelter Josep Rautsep

Kohtu kirjotaja Peter Plado