Kik walla perremehhe olliwa kokko tulnu, Jurri päiwäl Kui aastaja päiwäl kunna kik walla saissust kigen ollemissen Sai koggogunna Kohtun sisse saetus ja leppitus.

1. Sullaste palga säädminne. Sai Sullaste palk säetus kes kige parremba mehhe, tubli kige teggemisse man. Sai neide palk säetus 20 Rubla, kes Kermetse mehhe ni kui töise klassi arwon, neide palk sai säetus 15 Rubla, nink kolmas jaggo kehwa terwüsselisse ja nore poissi kes töwwe mehhe teggemist es jöwwa tettä neide palk om 10 Rubla, ja sest nimmetut palga arwost massawa sullasse kik ilm teedmada päle tullewa Krono massu, mes heagi päle saap tullema pä rahha mas perremees, to herge mas mes ilm teedmata saisse tullema mes sullasse ommast palgast peäwa masma es nimmeteda muud kui soldadi rahha. Sullasid ei tohhi ütsgi perremees enne käe rahhaga Kaubelda kui Kündle päiwast Kaptmarja päiwäni ülle säätu palga es tohhi keägi leppi, ja maad ei tohhi ka keägi perremees palga eest lubbama, kes selle säetu arwo wasta sasse teggema ni kui ülle säetu palka perremees om palka lubbanu, saasse asmält koggogunna kohton 5 Rublaga trahwitus, kes töist körda selle säätusse ülle teep saap 6 Rublaga trahwitus, kui seddä ka üts perremees es kule sis saap kihhelkunna kohtu läbbi trahwitus, ja kes perremees enne Küündli päiwä om teendred kauplema, ja käe rahha andnu, to jääp teendrest nink käe rahhast ilma ja tolle koggogunna kohto trahwi alla.

2. Näitsigide palka säätminne. Sai ni säetus kes kige parremb tüdruk ehk naiste rahwas neide palk Sai säetus 8 Rubla kigega kokko et muud es olle Kui rahha, nink töine jaggo Näitsigid kes nörgemba omma neide palk sai säetus 5 Rubla, ja neide Näitsegide kaupleminne om sel sammal wahhel Kui sullasse kaubeltas, ja se samma trahwiga saasse egga üts perremees trahwitus mes sulleste perräst om ütteltu, kes ülle leppitu arwo saasse middagi teggema ehk lubbama.

Pä Kohtumees Ado Plado

Kohtumees Ado Maask XXX

Kohtumees Peep Müürsepp XXX

Wöölmelter Josep Rautsep

Kirjotaja Peter Plado