Pille küllä perremehhe tulliwa ette, ja tewa täämbätse päiwal lepping, Kige küllä rahwa nurme söötmisse perräst et ennämb eddessi peidi ei tohhi keägi töise pöldo nurme pääl, ei ka Ristik haina omma ellajidega ärrä söta ni kui seni aajani om olnu, mönni perremees hoijap omma ellajid ja mönni es hoija neid nink lassep töisele kahjo tetta, Selle tarwis saap siin Koggogunna Kohtu Protokolin neide omma lubbamisse päle, Sisse moistetus et ilma trahwilta ei jä keägi, kes töisele kurja sasse teggema, nink nüüd tullep nimmettet trahhew ülles panda, Kui hobbene kurja teep ja kätte saasse, om 50 kopka trahwi Lehma eest 50 kopka, lamba eest 25 Zek eest 25 kopka, kes nimmetet trahwi alla tulle koggogunna Kohtu kannap seddä trahwi, muido om Kotton lubba leppi ni kui keagi rahhul jöwwap olla. Perremees Johhan Ollesk massap selle nimmetet trahwi täämbätsel päiwal Kelle päle Peep Müürsep kaibas, et Johhan Ollesk omma katte hobbessega Pebo Röa om ärrä söötnu, Johhan wabbantas et temma essi es olle süüdlänne, et temma pois om lasknu, siski es taggane Johhan Ollesk omma johtumisse eest, lubbawa kige omma poissiga trahwi massa, ülle 2 hobbesse 1 Rubla.

Pä Kohtumees Ado Plado

Kohtumees Ado Maask XXX

Kohtumees Peep Müürsep XXX

Wöölmelter Josep Rautsep

Peep Müürsep kaibas weel Johhan Olleski päle et Johhan om Peebole enne sedda paar aastat ja taggasi paljo kurja tennu ellajidega wilja söötmisse perräst ni et mitto kört om Kohtumees Johhanile trahwi moistnu ja Peep om temmäga kannatanu, ja es olle temma trahwi masmist tahtnu.

Kirjotaja Peter Plado