Peter Mändik kaibas Johann Zimmeri päle, et J. Zimmer temma käest kuwwe aasta eest ütte hainakuhja om ostnu nink selle eest 23 Rubla lubbanu massa, ent ennegi 10 Rubla selle eest ärrä mastu om, ja 13 Rubla nüüd weel masmata om:

Johann Zimmerile sai se Petre kaibus ette loetu. Selle päle kostis J. Zimmer: " Peter om suwwel sitta weddamisse aigu kül minno man sittaweddaman olnu, ent se olli üts sõbbrusse assi kelle man minna temmale süwwa nink wiina olle andnu; neidest jallapäiwist ei tija minna middake, neid ei olle temma minno man kunnagi jallatöön olnu. 

Peter Mändikel om minnole kül massa; kui minna weel Waltina kõrtsin olli, wõtse Peter minno käest rehnungi päle heringid, wikkatid, 1 wak linnaseemnid nink ülleültse kõrtsiwõlla ja muido kõrtsikauba 20 Rubla eest."

Tunnistaja: Willem Mändik, Isak Wallner, Karl Treumuth ja Ado Puusep. 

Tunnistaja Willem Mändik andse nidate tunnistust: "Minna ei tija Petre wõlla wõtmissest ja ei ka wõlatassumissest middake tunnistada."

Tunnistaja Ado Puusep andse nidate tunnistust: "Peter Mändik om kül mitto kõrd üttelnu: "Zimmer, minna massa sinno wõlla ausast ärrä."

Sedda ei olle minna kunnagi kuuldnu, kui paljo sedda wõlga om olnu. Peter Mändik ütles minnole kui temma minno käest aida henge rahha küssis: "Kae Ado, sinna ei tahha minnole usse hengerahha massa; kui minna J. Zimmerile olles aida ärrä müünu, sis olles 20 Rbl. wõlga tassa."

Tunnistaja Isak Wallner andse nidate tunnistust: "Johann Zimmer tahtse Peter Mändike käest ütte aida osta nink J. Zimmer pakse Peter Mändikele 25 Rubla aida eest. Sedda wõlla summa minna ei olle kunnagi kuuldnu."

Tunnistaja Andrus Treumuth andse nidate tunnistust: "Minna olle kül kuuldnu kui J. Zimmer P. Mändike käest wõlga nõudse. Kui suur ehk kui paljo se wõlla summa om olnu ei tija minna mitte tunnistada."

Lepping tetti:

Peter Mändik massab Johann Zimmile 5 Rubla täämba kohto een ärrä. 

Tawit Mändik, Petre poig, astus kohto ette nink kostis: "Kui Zimmerile olles minno essaka wõlga olnu, sis olle J. Zimmer minno käest ka minno essa wõlga nõudnu kui minna perrametse aasta nida kui perremees Puusmõtza maja asju tallitasi nink ka maja krami ärrä mõise, sis es ütle J. Zimmer ütteki sõnna minno essa wõllast. 

Päkohtomees Märt Lüüs XXX

Kohtomees Jaan Reiljan XXX

  "  Sahkri Pik XXX

  "  Ado Puusep XXX

  "  Karl Wallner XXX