Wana Koiola kogokonna kohtun, Wissel, sel 24tal januaril 1883.

                                                                                                  #

Jaan Kurg kaibap, et tema om tee pääl mõtsukide sekka langenu, nink ke temaga Mihkel Kottisse ütten olnu, sis om neile Jaan Jarweots, Johan Koolma Peter Kriiwa nink soldat Jaan Sing mano tulnu, sis om Jaan Jarweots, nink Johan Koolma, Jaan Kurge saibadega pesma nink, mõrtsuka kombel, wiimate om wäitse oma hoita wälja wõtnu, et mõnele mõrtsukale märk saas tetta, nink oma temale nii wägusi pääle tüknu, et ometi pidi wäitsega üttele märk tegema - see mõrtsik kes haawatus om saanu om Jaan Sing Johani poig. -

Mihkel Kottisse annap üles, et teda om nii paljo pestu, et pää paistet nink kae waitsega läbi sussatu saanu - neid mõrtsukit om tema tundnu oma olnu Jaan Järweots, Peter Kriiwa, Johan Koolma, Jaan Sing.

Johan Koolma annap wastust et tema ei ole kedagi pesnu.

Jaan Järweots Jaani p. annap wastust, et rööwmisest tema ei tiija midagi - tema om ennegi Mihkel Haidak pool kaunu rõiwast tööst kodo otsman.

Peter Kriiwa annap tunistust, et rätsep Mihkel Haidak pool oma 15/16 januaril ööse olnu: Mihkel Jaan p Kriiwa Peter Järweots, Jaan Järweots Jaani poja, Johan Loks Mihkel p., Johan Koolma, Jaan Kikkas, sääl om Peter Kottisse lubanu Miaste mehi üle häwerustada  (läbi pessa.)

Peremees Peter Haidak annap tunistust, Wanaküla poolt om üts hulk mehi tulnu, umbes arwata 9 meest - kellest tema enamb ei ole tundnu kui Jaan Sing - nink tema arwa-mise perra pidi ka Jaan Jaani p Järweots neide sisen olema.

Et Jaan Kurg nink Mihkel Kottisse kreistohtre tunistuse perra rängaste haawatu, oma paljo werd mõlembil ara joosnu, selleperast saap soldat Jaan Sing, kui mõrtsuka wangi wiisi Keisriliku Wõrro Maakohtu kohtu katte saadetus.

Jaan Sing, kee oma mõrtsuka töö pääl haabo saanu, ei ole täämba kogokonna kohtu ette tulnu, ei luba ka tulla.

                          Kohtuwanemb: Peter Suig  XXX

                          Kohtumees: Peter Lauk 

                                  do          Karl Sikkal 

                              Kirjotaja Peter Black