Märt Tedder kaibas: "Linnert Lippart kõnneles minnole, et Johann Pill ja Karl Puk temmale kõnnelnu ollewat, et minna ollewat Walka linan linna-wargusse perrast 6 päiwa wangin istnu ja 63 rubla trahwi masnu. Minna nõwwa nüüd, selle ilmasjata trotsimissele järgi sada."

Tunnistaja Linnert Lippart (Kreeka usko) andse nidate tunnistust: "Üts kõrd ütles Johann Pill Peter Puk kuulden naljaten, et Märt Tedder ollewat Walkan kinni istnu. "

Tunnistaja Peter Puk (Lutteri usko) ütles, et temma sellest middake kuuldnu ei olle, mis Johann Pill üttelnu.

Johann Pill kostis, et temma sellest Märt Tedderi kinniistmisse ülle middake kõnnelnu ei olle, ei ka sellest asjast middake ei tija.

Karl Puk kostis nidasammute kui Johann Pill om kostnu.

Otsus.

Se koggokonna kohhus om Märt Tedder kaibust Johann Pill ja Karl Puk wasta tühjas arwanu.

Suremba kohton käumisse sädus om neile kohton käujatele ette loetus sanu.

Sel 26. Julil s.a. om Märt Tedder kätte Appellationtäht wälja antus sanu. 

Päkohtomees Märt Lüüs XXX

Kohtomees Jaan Treumuth XXX

 "  Werdi Leinus XXX