Ette tulli Jaan Härm ja kaibas et temma sõitnu sel 15 Augustil Petserist kodo Zapsi koli maja mant sure tee tee pääl, sis heitinu hobbene nink poisit mänginü tee weren pilli sis üttelnü temma neile et teije kelmit mes heiditade hobbese ärra nink lännü Ado Pawel ja Johann Kanna temma wankride nink pesnüt tedda ni armetumal wisil et pää wäega ärra pesti ja jälg nink et nüüd weel hobis haige om nink se pesmine olli arwata kel 9 õddangu ent minka nemma minno pesnü omma, sedda mina ei woi tea sest minna olle nüüd weel wäega haige. Tunnistaja omma Michel Härm ja Michel Uggur.

Michel Härm tunnistas et kuis se tulli alenu, sedda minna es näe muud kui minna järgi saije sis olli Ado Pawel ja Johann Kanna, Jaan Härma wankrin Jaan Härma pääl nink pessiwa Jaan Härma russikidega, ent mes neil käen olli, sedda minna es näe nink Jaan Härm tännit all appi, appi.

Michel Uggur tunnistas et minna ela tee weren, magasi nink kulin wankriga sõitmise helli, wankri jäije saisma nink nakkas üts innemine tännitamä, sis lätsi minna wälja nink näije et sääl olli rahwas nink olliwa nuija käen nink Ado Pawel ja Johann Kanna tulliwa minnole wasta nink ütliwä et temma leije minno wijoli purrus, ent wijol olli terwe, ent Jaan Herma pesmist ei olle minna nännü muud kui Jaan Härm olli ärra pessetü nida es woi koddo minnä nink minna weije temma oma tarre ja weije sis tohtri manno.

Kohtumees Michel Uggur om saatnu ka omma poisi tohtri manno Jaan Härma wimä ent Jaan Härmä pesmist ei olle temmä nännü nink om ka selle tännitamise päle sinna lännu.

Ado Pawel ja Johann Kanna omma täämba sija kohtuhe kutsutu, ent ei olle tulnu.

Tohtri tunnistus om et Jaan Härm om kül pestü.

Otsus:

Et sure tee pääl taplemine om, sis se protokoll Ütte Keiserliku Wõrro Maakohtuhe saata.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa

Protokoll wälja sanu sel 23 Aug. 1882