Kahkwa kog kohtu een sel 17 julil 1867

Kaiwas mõisa wallitsus, et temma om neide katte perremehhega nimmelt Jaan Kristuwing ja Willem Meenbek leppitu ollu ülle katte 2 wak alla ristikhaina kokku panda. Ja ülle katte 8 päiwa sitta weddata. Ja nüüd om nemma ennegi 1 wakka alla ristikhaina pandnu ja 4 päiwa sitta weddanu.

Ette tulli Jaan Kristuwing ja üttel, et temma om leppitu ollu 1 wak alla ristikhaina panda ja kumakil 2 päiwa sitta weddata. Willem Meenbek üttel, et mõisawalitsus ei olle kauba teggemise aigo temmale ristikhainast middagi ütelnu. Maa rent om lepitu ollu tadrest 3 rbl ja 2 päiwa sitta weddata ja 2 wak alla rükka ja 2 wak alla tõugo kokku panda.

Kohhus mõist, et Jaan Kristuwing ja Willem Meenbek peawa ülle katte mõisale weel 1/2 wak alla ristikahaina ja 2 päiwa sitta weddama ja 6 wak alla nurme kokko pandma.

Michel Musting

Jakob Lepland

Johhan Sepp