Protokolli Nr 20 perra tulli ette tunnistaja möldre pois Karl Pak Lutteri usku 15 aastat wanna ja ütles wälja et temma ei ole sedda nännü kui möldre Peter Jahnit Misso moisa wilja om warrastanu ja liiwa assemele om pandnu nink ei olle ka Jakob Woss'ile ja Andre Snikerile sest middagi kõnnelnu.

Möldre Peter Jahnit ütles et temma ei ollegi ennamb kui üle 600 wakka mes ärra om mastu nink päle 300 wakka eest om weel masmata, jahwatanu nink ei olle ka moisa wilja warrastanu ja liiwa assemele pandnu nink kui Misso moisa walitsus löüdse liiwa sissen sis piddi se kohtule näütama ent minna massa weski eest 550 Rbla renti nink ütte nisuggutse teotamise läbbi sa minno ni sure kahjo et keägi minno manno weskile ei tule nink weski usse pea kinni pandma.

Moisa walitsus palep sedda tõises kohtupäiwas jätta et sis jo rehknud üles anda kui paljo wilja om warrastedu nink sa ka weel tunnistajid manno sama.

Otsus:

Tõises kohtupäiwas se wilja rehknud mes pudus om olnu.

Pääkohtumees K. Lõhmus [allkiri]

Kohtumees Peter Prants [allkiri]

Kohtumees Jaan Opar XXX

Kirjotaja Jõggewa