Kahkwal sel 26 sept 1867

Kaiwas Jakob Orraw, et Johhan Sepp om temma naist karja man pesnu ja maad piddi perran weddanu, ni et temma naine nüüdge weel põdde.

1. Tunistaja Möldre karjus An Koddawand

2. Tunistaja Wassili karjus Andri Himmis

3. Tunistaja Mik Nabrusse tütar Nasta

Tunistaja Andri Himmis ütel, et Johhan Sepp om karjamanu tullu ja küsinu, kelle nõu se olli karja errale ajada, sis om Jakob Orrawa naise rinnust kinni wõtnu ja maad piddi weddanu ülle põllo orro werde, sis ei olle temma ennamb nänu mes Johhan sääl naisele tennu.

2 tunistaja Mik Nabruse tütar üttel, et Johhan om karja mannu tullu ja naise rinnust kinni wõtnu ja rapputanu, et naine mahha om saddanu ja naise orro werde winu sis ei olle temma nänu mes sääl Johhan om naisele tennu.

Tunistaja Karl Tensing ütel, et temma on kül lärmi kulu ent ei olle nännu kui modu se tülli om ollu.

Ette tulli Johhan Sepp ja üttel, et Jakob Orrawa naine om temma ellajat karja seast wälja ajanu, ja ellajat om keig wiljan ollu, sis om temma karja mannu lännu ja Jakobi naise käest kinni wõtnu, ja ütelnu tulle kaema ellaja omma wiljan. Naine om ütelnu kos wiljan, sis om Johan naist kätpiddi ülle põllo ütten winu kaema, kos ellaja wiljam ollu ja perrast ei olle naine temma kät walla lasknu, sis om Johhan omma kät naise käest walla kisknu, ni om sis naine mahha saddanu.

Jakob Orawa naine, et Johhan Sepp om tema terwuse ärra riknu ja temma pool tõbbine kohtu ette om piddanu tullema, nõud temma omma pesmise eest 25 rbl.

Kohhus mõist, et Johhan Sepp om tunnistajade ütelmise perra Jakobi naist rinnust wõtnu mes ka Johhan essi üttel, et temma olles kät piddi naist wõtnu ja essi omma kohhtu tahtis ärra mõista, peab Johhan Sepp 3 rbl trahwi se naisele masma. [Essi leppiwa 4 rubli päle. 3 rbl om Jakob kätte saenu]

M. Musting

J. Lepland

R. Oinberg