Kahkwal sel 16 oktober 1867

Kaiwas Jürri Lindok, et temma om Jaan Parsoni käest sel kewwade lehma ostnu 4 poige emma ja om masnu sest lehmast 24 rbl ja 1/3 wk röa jahhu andnu, sis om J. Parson J. Lindoki pallelnu, et se J. Lindok tema käest ütte wanna lehma nüssa wõttas selle, et temmal se wanna lehm rasse soda om ja J. Lindok om ka lubbanu omma noore lehma ni kauwa kui süggisi Sahharipäiwani J. Parsoni kätte, ja sis olles piddanu J. Parson omma wanna lehma taggasi wõtma ja Jürri noore lehma kätte andma.

Tunnistaja omma J. Lepland ja Johhan Dobre.

Ette tulli Jaan Parson ja üttel kül õige ollewad, et temma ni om lehma J. Lindokile müinu, ent temma ei tahha lehma se perrast taggasi wõtta, et lehm suwwel pennist puretu om, mes läbbi lehm om põddenu.

Tunistaja Johhan Dobre ütel, et Jürri Lindok om Jaan Parsoni käest lehma ostnu ja sis om Jaan Parson pallelnu, et J. Lindok tema wanna lehma wõttas henda kätte, et se wana lehm om rohkema sögiga ja sis and J. Parson J. Lindoki noore lehma jälle kätte ja wõtab omma wanna lehma taggasi.

Tunistaja Jaan Lepland üttel ka ni sama kui Johhan Dobbre jo ütelnu om.

Kohhus mõist, et Jaan Parson peab se wanna lehma taggasi wõtma ja se noore lehma Jürri Lindokile kätte kandma, selle et kohhus se lehma om ülle kaenu, et se lehm terw om.

Päkohtumees Michel Musting

Abbi Jakob Lepland

Abbi Johhan Sepp