Ette tulli Jula Uggur, mansaisja olli weli Kristjan Uggur ja kaibas, et Ado Pawel om lubbanu tedda ära lubanu wõtta ja om temaga lihalikult elanu nüüd nõud tema henda trotsmise ja latse kaswatamise eest 300 Rbl. et Ado Pawel teda nüüd naises ei wõtta, se lats om 4 Septembril 1886 aastal sündinu ja om nüüd 3 kuud 8 päiwa wana.

Ado Pawel tulli ette ja wastud kaibuse pääle, et tema ei tija sest asjast midagi tema ei ole sukkugi Jula Ugguriga lihalikult elanu, ei ole ka Jula Uggur man maganu, om küll tema sääl eläxxx õdangu ja päiwa, ent ei ole Jula Uggurit mitte lubbanu wõtta, ja tema ei tija ka muid sinna käüjat, ei ole ka keagi nännu, kunas tema sääl om käünu.

Muud üttelda tema midagi ei tija. Ka ei anna tema kedagi muid, kui tunnistajis üles anda.

Jula Uggur ütles, et kui tema kogoni ära salgas, wõib tema ka omma üttelust wandega kinnitada.

Mõistus:

"Ado Pawel massab Jula Uggurile latse kaswadamist 120 Rbl, et arwada om, et Ado Pawel se latse esa om, se raha om massa 10 aasta seen ega aasta 12 Rbl. ja et Ado Pawel kohtu kutsumise perra ei ole ette tulnu, massab tema 2 Rbl. trahwi selle walla waeste laadiku."

Se kohtu otsus om §773 ja 774 perra kuulutedu ja oppus leht wälja antu.

Pääkohtumees: K. Lõhmus [allkiri]

Kohtumees: T. Pilt [allkiri]

Kohtumees: Jaan Oppar XXX

Kirj. asemel P. Normann