Prottokoll Nr 113 perra olli Jora Karl Hak 13. Novembris ja ka täämbas ent ei ole tulnu, sis om tämba kogokonna kohus mõistuse tennu.

Wöörmündri Peter Erik, kes seda kahju om üle kaenu and üles, "et se Karl Grünthali röa põllu olliwa kõik hobbestega ära sõkkutu ja üle kõige jälgi täüs; ka olli Grünthalil mittu kõrda elaja kinni aetus saanu."

Karl Grünthal and üles sügisel 2 hobbest ja ütte lehma kinni wõtnu ja 2 päiwa pidanu ja nüüd nõud tema ka et kogokonna kohus selle asja üle mõistuse tees. ja ka 2 kõrra pandistamise raha 2 hobbese päält ja 1 korra pandistamise raha lehma päält temale wälja mõistas.

Mõistedi:

"Karl Hak massab kolme kõrra pandistamise raha 3 Rbl. Karl Grünthalile, röa nurme kahju 4 Rbl. ja et kutsmise perra ette ei ole tulnu 1 Rbl. trahwi selle walla waeste ladiku."

Se kohtumõistus om §773 ja 774 perra Karl Grünthalile kuulutedu ja Karl Hak saab kutsutus 5. Decembris otsus kuulma.

Pääkohtumees

Kohtumees

Kohtumees

Kirj. asemel R. Normann