Ette tulli Jaan Pihho ja kaibas et temä poig Karl Pihhor om oma talo ärrä münü nink temä nüüd kostegi üles piddamist ei sa. Sis nõwwap nüüd Karl Pihhori käest üles piddamist.

Jaan Pihhoril om kül wiis poiga, ent ne tõise omma kiik waese ja ei ole keaki maja piddaja nink nink ostnu ka Jaan Pihhor se maja poig Karl Pihhori nime päle nink om ka siin koggokonna kohhus mõistnu et Karl Pihhor peap 3me wakka maa andma omale essäle ilma massuta kuni essä eläp.

Karl Pihhor ütles et mina essi osti se maja ja wõtti rahha wõlgu nink et mina sedda wõlga ärra es jõwwa massa sis piddi nüüd jälle wõla perrast se maja ärra mümä nink kolme wakka maas ei oleki essäle moistet nink mina ei ole mitte ütsinda essä poig et mina ütsindä peäs üles piddämä ent mina tahha ka wannembid awitada ni paljo kui woimalik.

Moistet:

Sest Karl Pihhori maja mümisest rahhast jääp 100 Rbla sija kohtu kätte hoidmise ala temä wannembide hääs kostest Jaan Pihhorile jao perrast häddä jal saap wälja antus sedda rahha.

Se moistmine om §773 ja 774 perra kulutedu ja oppusleht wälja antu.

Pääkohtumehe abbi Kal Gründhal [allkiri]

Kohtumees T. Pilt [allkiri]

Kohtumees Jaan Oppar XXX

Kirjotaja J. Jõgewa

5 Rbla Jaan Pihhorile wälja antu sel 31 Julil 1887.