Ette tulli mõtsa walitsuse eest mõtsa essänd Dudorowski ja kaibas et Samuel Kauks Rogosist olewat moisa mõtsast üts koorma minewal aastal mõtsa jänüt haggo ärra warrastanu ja nõwap warguse eest trahwida ja olewat tunnistaja mõtsa waht Otto Adamson.

Samuel Kauks ütles wälja et temä ei ole mitte moisa mõtsast haggo warrastanu.

Mõtsawaht Otto Adamson ütles wälja et sääl olli mittu hao unikut ja olli ka sääl moisa haggo ent kas ka Samuel Kauksi unikun moisa haggo olli sedda ei woi mina tunnistada.

Rogosi kohtumees Jakob Trummal ütles wälja et (mõtsa waht) Samuel Kauksil es oleki suggugi haggo kotton.

Moistet:

Et nätta et Samuel Kauks mitte sedda moisa haggo ei ole warrastanu olnu, sis saap temä sest nõudmisest priis moistetus.

Pääkohtumees K. Lõhmus [allkiri]

Kohtumees T. Pilt [allkiri]

Kohtumees Jaan Oppar XXX

Kirjotaja J. Jõgewa