Ette tulli mõtsa essänd Dudorowski ja kaibas et Johann Oppar Rogosist olewat moisa mõtsast warrastanu 2 peddajat 10 tolli paks ja 48 jalga pik wäärt 2 Rbl. 90 Kop ja nõwwap kronu taksi perra 11 Rbl 60 Kop. ja olewat tunnistaja mõtsa waht Otto Adamson.

Johann Oppar Rogosist ütles et ne kats peddajat ole mina oma wele Käbli Peter Oppari maa päält tonu ja woi mina ka neid kande näüdäta.

Tunnistaja mõtsawaht Otto Adamson ütles wälja et mina lätsi kannu mant jälgi möda kuni Johann Oppari pole ja säält tarest löüdse mina ne mõllemba peddaja ärra puis lahhotu ja parrede päle pantu.

Rogosi kohtumees Jakob Trummal ütles et mina olli ka kül neid puid sääl Johann Oppari majan kaeman mõtsa wahhiga Otto Adamson, ent mina ei tija kostest ne pu olliwa todu, sest mina ei ole kannu mano sanu.

Moistet:

Johann Oppar peap 6 Rbl. Mõtsa walitsusele neide katte peddaja eest trahwi masma.

Se moistmine om §773 ja 774 perra kulutedu ja oppusleht wälja antu.

Pääkohtumees K. Lõhmus [allkiri]

Kohtumees T. Pilt [allkiri]

Kohtumees Jaan Oppar XXX

Kirjotaja J. Jõgewa