Ette tulli Andre Uggur ja kaibas, et Michli Uggur om lasknu wõls kaardi tetta ja om mõtsmaa piiri wõlssi läbbi ajanu 53 1/2 küünard peris kuppitsest läbbi ja tema palleb nüüd, et nende maa saas ümbre jaetus ja se kahju saas Michel Uggur pääle säetus ja maa takseeritus.

Michel Uggur tulli ette ja wastud kaibuse pääle, et tema ei ole lasknu mitte kohhegi wõlsi piiri tetta tastsaani kui nema oma ma omma ära jaganu.

Andre Uggur and weel üles, et tema nõud weel seda karja teed ka õijendata ja ka weel 15 küünard piiri tema poole pääle ennamb panda, selle et se karja tee om temale 15 küünard pantu, millega tema mitte rahul ei ole.

Michel Uggur ütles, et kui Andre Uggur ei taha laske karja teed säält olla, sis om tema sellega ka rahul kui säält saab karja tee maha arwatus ja tema käüb sis karjaga omma maad mööda.

Michli Uggur luppa ka wankri tee oma poole päält järwe weerde ja om nii, kui xxxxx wõi xxxxx lepjä.

Andre Uggur nõud üle kõige wõls kaardi tegemise eest 300 Rbl. kahjo tasomist.

Mõistus:

"Karjaga käüwa nema mõlemba Michli Uggur perra andmise perra selle mõts maa tükki pitte ega üts omma poolt pitten (seda tükki pitte, mis wene piiri lät.), ja kündwa maa piirini ja ka peab Michel Uggur wankri tee kunni järweni Andre Ugguril omma poole päält andma, muido omma nee piiri kindmo, mis Michel Uggur kaardin maamõõtja Jaan Tamme üles tegemise perra omma ja mis ka kreiskohtun omma kinnitedu."

Se mõistus om §773 ja 774 perra kuulutedu ja oppus leht wälja antu.

Pääkohtumees K. Lõhmus [allkiri]

Kohtumees T. Pild [allkiri]

Kohtumees Jaan Oppar XXX

Kirj. asemel R. Normann

Andre Uggur 14.Nowemb. s.a. ära kirja saanu.