Sellsamal päiwal 5. April 1885.

Man olliwa wanemb kohtumees Johan Rocht.

abikohtumees Aadam Lukatz.

Kohtumees Johan Ratnik. 

Poolele jäänu asjan 15. März. s.a. No 28 olliwa ette tulnu Mihkel Wõso, Katharina Dulder man saisja Jaan Marka Jaan Läwi ja Jaan Uibo Karaskist.

Emand Katharina Dulder wastut et kaibaja Mihkel Wõso ja tema tunnistaja Mihkel Puna, Johan Puna ja Jaan Läwi olnu ööse kella 11 aigo kõrtsin ja täüs joonu, Mihkel Wõso küsinu weel 2 pudelit õlut, omma selle ära joonu ei ole raha masnu ja ütelnu: mes leti õigust ei pruugi ja enne olle küsimist raha ei küsinu; raha om masnu Mihkel Wõso weel 30. März. s.a. ära, pääle selle olnu ka weel häbemata ropu mida ütelda ei tihka. Pudeliga ei ole M. Wõso wisanu, üts pudel esi om lawwa päält maha kukkunu. Katharina Dulder pallel et na kiik karisteda saas.

Kohtumees Johan Rocht, kes Mihkel Wõso üle kaenu tunnist et põsk om weidi werrew olnu Katski ega löömise märki ei olnu tunda. Kell olnu 11 ööse kui Mihkel Wõso mäele tema poole tulnu.

Jaan Läwi tunnist et emand K. Dulder om tühja pudeliga Mihkel Wõsole pääd wasta wisanu pudel om katski lännu siis kui maha sadanu.

Jaan Uibo ei tija midagi tunnistada sest ta olnu ee kõrtsin mund /ei loe välja/ kui riidlemist kuulnu enne.

Äralepitu Mihkel Wõso ja emand Katharina Dulder ei nõua tõine tõise käest midagi.