Ette tulli Jaan Lange ja kaibas et Jaan Tirrul olewat temä niitu üle piiri üles kündnü arwata 15 süld pik ja 4 süld lai nink tõise kuppitza wahhelt jälle 2 süld lai ja 5 süld pik nink piiri riknu. Jaan Lang om tonu päle selle kündmise maamõtja ja masnud maa mõõtjale 3 Rbla palka sis nõwwap Jaan Lang et Jaan Tirrul kiik maa mõõtmise kulu massap nink piiri rikkumise perrast ka trahwitus saap.

Jaan Tirrul ütles et sääl olli enne wana põld olnu nink mina anni se mõts maa tükki üttele popsile ja se olli üle kündnu nink se olli kiik selle perrast sanu tettüs et kuppitzat tunda es ole.

Moistet:

Jaan Tirrul peap pool sedda maamõõtja palka se om 1 Rbla 50 Kop. masma nink se Jaan Lange künnetü niit ärra äestama ja haina seemne päle külwämä, ent piiri rikkumise trahw jääp mahha, sest et nätta ei ole et Jaan Tirrul oles kuppitza rikkunu.

Se moistmine om §773 ja 774 perra kulutedu ja oppusleht wälja antu.

Pääkohtumees K. Lõhmus [allkiri]

Kohtumees T. Pild [allkiri]

Kohtumees Jaan Oppar XXX

Kirjotaja J. Jõgewa