Tulli kohtu ette Jaan Mollok nink kaibas minna lätsi hommogu rehhe mannu panni ahjo pallama sis tulli Juhhan Tens hobbesega sinna ja lasg läbbi rehhe paja hobbesele karo süwwa minna keelsi tedda et arra laske hobbesel süwwa temma üttel oot ma tahha sulle näidata mes sa minno kiusat ja tulli rehte nink lei üts körd minnole käe päle ni et käest wõim ärrä om löpnu et minna middagi ei woi tetta.

Kutsuti Juhha Tens ette sisse nink loiti Jaan Molloka kaibus ette Juhhan Tens wastas Minna tulli hobbesega käimast, päsd rehhe kõrwal wallale, ja hobbene wõtte kül kats wai kolm sutäit karo läbbi rehhe paja Jaan Mollok haksi rehhest hirmsaste wandma ja prasma nink tulli wälja ja lei kolgitsa kasega minnole sälga sis töuksi minna tedda ja ütli mes sinna selleperrast minno lööt egga se hobbene neid karo ommete läbbi paja ärrä es sö.

Sai moistetus Juhhan Tens peap teggema nellä näddali päiwa Jaan Molloka eest, sest sammast päiwast kui moistetus sai Mis Jaan Mollok ennamb päep kui nelli näddalit se om Jaan Molloka kahju

Se moistminne sai kulutedus ja kohtun käijit sai oppetedus. Jaan Mollok ja Juhhan Tens olliwa selle moistmisega rahhul.

Pakohtumees P. Tarrask <allkiri>

Abbikohtumees Jaan Petso XXX

Abbikohtumees Taniel Tens XXX

Koggokonna kohtu kirjotaja wöölmöndre Taniel Konts <allkiri>