Tulli kohtu ette Karel Haran nink kaibas, et temmal minnewa süggise warrasteti üts särk ja üts tek ja kampson ärrä, sis sai minna minnewa talwel muide käest weidikesse teadmist, et se Ado Assor kes Kidijerwel ellaman olli om warrastanu nink se üllewan nimmitetu tek, peap temma poja pool Kammerin Jaan Assori käen ollema, sis lätsi minna sinna nink wõtti Kammeri kohtumehhe ütten, nink lätsime Jaan Assori maija sedda nimmetetu wargust otsma, nink saime tek Jaan Assori Majast kätte.

Kui minna koddo tulli läts Wallawannemb Juhhan Luk ja Päkohtumees Jakop Konts Ado Assori pole sedda üllewan nimmetetu wargust otsma, Ado Assor olli eddimalt sallanu, nemma ütliwa mes sinna salgat tek om sinno poja Jaan Assori käest löitu, Ado Assor olli mõttelnu tük aiga ja sis ütles: Minna olle neid rõiwad Kül warrastanu, neid ei sa ennamb kätte, särgi mõi kirrepi ladele ärrä; tekke nüüd minnoga me te arwate.

Sai ette nõutus Kammeri mees Jaan Assor, nink küsitus, kus se üllewan nimmitetu tek sinno kätte sai, Jaan Assor wastas, se tekki nemma kül minno poolt saiwa kätte, sedda minna käl näi, ent minna ei tija, kost temma sinna olli sanu, minna ei olle marastki tekki warrastanu.

Karel Haran nöwwap särgi eest 21 Rubla tekki ja kampsoni eest 2 Rubla ja katskörd mes minna Kammerin käwwe selle eest nõwwa 2 Rubla särgi karmanin olli rahha kot arwata 50 kopkat sissen, se teep ütte kokko summa 25 Rublat 50 kopkat hõbbetat.

Otsus.

Seperrast, et se warrastetu tek, om Kammerist Jaan Assori majast löitu ja selle tekki läbbi om särk ka awalikkus sanu, arwap kohhus neid mõllembit üttes wargas, nink massawa Ado Assor omma poja Jaan Assoriga Karel Haranile se rahha katte näddäli sissen ärrä.

Ado Assor om sest üllewan nimmitetu rahha summast Karel Haranile 8 Rubla talwel ärrä masnu ja sest sadik ei olle temmä nännu, nink ei tia ka, kos temma ellas. Jaan Assor wastas minnol ei olle selle moistmisega middagi teggemist.

Karel Haran palles Protokoli wälja mis sai ka antus.

Päkohtumees Jakop Konts

Abbi Jaan Petso XXX

Abbi Jaan Wisk XXX

Kidjerwel sel 18 Mail 1868