Kahkwal sel 1 Julil 1868.

Andis Petra omma naisega sin kog. kohtu een ülles, et temma welli Johhurga om 2 aasta eest süggisi Niggolopäiwa ladel Wõbsun ütte kuldsepa emmanda käest üts sõlg warrastanu, mes temma omma naisega selgeste om nännu. Kuldsepa emmand om sest sõllest 12 Rubla küsinu ja perrast om Johhurga ilma rahhata ärra warrastanu. Petra Palkowi naine ütel, et se sõlg peab nüüd Krissa Immise tütre käen ollema Werriorral.

Se pääle sai kuldsepa emmand Blomerias se kog. kohtu poolest kirri antus Werriorra kog. kohtule, et Werriorra kog. kohhus Krissa Immise tütre käest sedda sõlge perra otsi nink om ka se sõlg Werriorral K. Imise tütre käest kätte saadu.

Kuldsepa emmand Blomerius nõus omma sõlg taggasi ja 5 Rbl se henda waiwa palka, warga käest.

Johhurga Palkow ütel henda süidlase ollewad ja tõi 3 Rbl se kog. kohtu kätte ja pallel, et temmal mit kostki rohkem massa ei olle ja lubbas kuldsepa emandat essi pallelda, et kuldsepa emmand temale se 2 Rbl jättas.

Se sõlg ja 3 Rbl rahha sai sel 23 Julil 1868 se koggokonna kohtu poolest Wõrrole se kuldsepa emmanda Blomeriusse kätte ärra sadetuit.

Kristjan  Rämman

Jakob Parmson

Peter Urgard