Kahkwa kog kohtu een sel 29 Julil 1868.

Kaiwas Michel Ruth, et Tannu Waaks om temma pääle wõls juttu tennu ja mõisa rehhe man kõnnelnu, et M. Ruth olles lubbanu temmale 12 Rbl rahha anda kui Tannu Waaks kohtu mann se Wõbsu saija müuija perrast M. Ruthi poole kõneleb.

Ette tulli Tannu Waaks ja ütel, et se mitte õige ei olle, et temma sedda olles kõnnelnu ja tõised rehhelised tedda se perrast kuisawad ja temma pääle wõlssiwad, et tema waene om.

Tunistaja Widu Ritsing ütel, et se õige om, et Tannu Waaks om ni kõnnelnu, et M. Ruth om temmale massa lubbanu kui temma kohtu man Ruthi poole kõnneleb. Sis ütel Tannu Waaks, et tema om kül nalja perrast ommast pääst ni kõnnelnu ja pallel andis ja ütel M. Ruth ei olle temmale ütte napsige lubbanu ja ei olle ka konnagi temmaga kõnnelnu.

Kohhus es wõi Tannu Waaksile se perrast middagi trahwi mõista, et Tannu üts rumala meelega innimene om ja essigi ei tija mes temma konnagi kõnnelep.

Päkohtumees Kristjan Rämman

Abbi Jakob Parmson

Abbi Peter Urgard