Hans Lük tulli kohtu ette nink kaibas, et Jaan Tik om kolme ajastaja eest ?? tallun temma käest lõõtsapilli wõtnu nink Tikkutajale Saja winu ja perrast kui temma se pilli kätte om sanu om se lõõtsapill katski lõhhutu olnu nink nõuwap Jaan Tik käest 5 Rubla hõbbedat.

Jaan Tik saije ette kutsutus nink küssitus kuis wisi Hans Lük pill temma kätte sanu. Jaan Tik ütles Minna lätsi Koorwerde Rainowa tallu nink läudse säält Gusta Hinzoni eest, tollega lätsime meije eddimalt Körtsi mannu Hans Lükku taggan otsima ja perrast weski mannu nink säält ütteldi meile et Hans Lük om Sikka tallun, Minna lätsi Gustaw Hinzeriga sinna nink lõudseme Hans Lukku säält  een; Hans Lük and meije pallumisse päle omma lõõtsapilli Gustav Hinzeri kätte mängi, selleperrast et ta mängi mõistse. Sikkalt om nemma Räinowa tallule taggasi tulnu kon Jaan Konts neist mahha om jänu, nink Gustav Hinzer, Hans Lük ja Jaan Tik ommawa selle lõõtsapilliga mõtskontsile lännuwa; Mötskontsile om jälle Hans Lük mahha jänu, nink Gustav Hinzer ja Jaan Tik omma lõõtsapilli Tikkutajale ütten wõtnuwa, perrast saju om Gustav Hinzer sedda lõõtsapilli Partsi tallu aita laudu päle pandnu, säält om temma tarre Kappi otsa päle widu, kost Hans Lük tedda wimate essi ärrä om tonu, ent Jaan Tik ütlep et temma kätte waijele ei ollene lõõtsapillu koggoni sanuki ei moista ka temmaga mängi.

Jaan Kons kes pilli andmisse man om Sikka tallun olnu tunnistap ka et pilli om Gustav Hinzerile Hans Lück mängi andnu agga mitte Jaan Tik kätte.

Partsi tallu perrenaine Marri Tarrask ütlep: et minna näije et se lõõtsapill olli tarre Kappi otsa päle tekkunu ja lätse küssewa mängi, ent minna es anna lubba wõrast pilli puttu; perrast saije minna Hans Lükkuga kokko nink olli tälle mes perrast temma omma pilli ärrä ei wi; wõtse Hans Lük sedda pilli ja weije ärrä. Latse küssewa weel neid pilli Klahwe hendale anda, ütles Hans Lük, Klahwi omma weel hä, minna wi se pilli lina ja lasse ümber tetta, sis saap temma jälle wastses.

Kohhus Mõistse: Et tunnistusmehhe ja Jaan Tik essi omma kui üttest suust tunnistanu, et Jaan Tik omma kät selle pilli külge ei olle pandnu enge Gustav Hinzer kätte pill sanu ja tedda mängnu, sis om Jaan Tik sest pillist pri sanu moistetus nink Hans Lük nõud ka omma pill wastsekuste mehhe Gustav Hinzeri käest.

Päkohtumees J Konts <allkiri>

Abbi kohtomees Jaan Petso XXX

Abbi kohtomees Jaan Wisk XXX