1, Wenne Preestri Johannes Lebedewi tahtmisse perra, et Kidijerwe õige ehk wenne ussu Koolmeistri Johann Numa käest pärahha nõudas, om sel koggokonna kohtul lühhidelt wastuda, et Kidijerwe wallan wäega weidi wenne ussu rahwast om, kes mitte ei jõwwa ütsinda Wenne Koolmeistre pärahha massa ja Wenne Koolmeistre Johan Numa ei olle ütsinda Kidijerwe walla lastele Koolmeistres enge ka pole Ahja nink Wastse Kuste wallale mes perrast ne ka sis Wenne Koolmeistri pärahha massmisse abbis middaki ei tahha tetta. Kas sedda kül ei olle, et Kidijerwe omma wäikesse walla päle wenne Koolmeistrist nekrudi losimisest pri hoijap. Krono nõwwap omma massu ilmmahhas jätmata; sis ei woi üts wäikenne wald mitte jõuda wenne Koolmeistre eest pärahha massa

2. Koli üllespiddamisse perrast om sel Koggokonna kohtul wastutada, et Kidijerwe wald nink Koggokond sädusse ramatu perra Lutteri ussun omma Koli eest hoold Kandwa, nink wenne ussulisse Kannawa omma Koli eest hoold omma jõudu möda. Sest et nüüd se wenne Kool mitte ütsinda Kidijerwe ?? laste perrast ei olle säetu, enge pole wõnno kihhelkonna päle, sis ei woi na weidi wenne ussulissi mis Kidijerwe wallan omma pole Wõnno Kihhelkonnale Koli ülles piddada

3. Kohtomees Jaan Petso wenne ussust om Koggokonna Kohtu Kässu päle Koolmeistri hendaga käünu Wenne ussu latsi Koli ajaman, nink ka koli ülle kaeman

4, Et Peter Simka naine Liis Wenne Preestri een mehhe holetusse perrast om Kaibaman käünu, et temma naise nink laste eest hoold ei kanna; omma nemma jo mittund Körda Koggokonna Kohto een Käünu omma ilm kokko sündimata ello perräst. Ent mes woijs Ka Koggokonna Kohhus sääl tetta, kui mees omma wäikesse tenistussega widiki latsi eest hoold kannap, nink naine essi ei tahha mitte willast langa katski kisku. Om ennegi üts kokko sündimata abbi ello paar, kelle ülle ka weel eddaspiddi kohtu piddamist saap ollema.

Päkohtumees J Konts <allkiri>

Abbikohtomees Jaan Petso XXX

Abbikohtomees Jaan Wisk XXX