Anton Goldberg kaibas kohtu een et temma omma welle Augustiga omma lännu Partsi wäitsi pöörma ja perremees Juhann Luhha om neid tullu takkan otsma nink lõüdnu et Anton Goldberg weel sääl om olnu ja August om enne ärra tulnu, sis kui nemma päle selle kui Johann Luhha tarren Anton Goldbergile üttelnu, mes sinno siin teet kui sinna Koddu ei tulle omma nemma wälla tulnu nink Johann Luhha om Anton Goldbergi tarre otsa takkan Koddu minnemisse man Kinni wõtnu mahha lönu talle Kats Körd põlwiga rindu lönu ja Kats Körd Körwa päle.

Johhann Luhha tulli ette ja ütles, temma om, et jo õddang om ollu ja nemma Partsist Koddo es tulle ömajale et hommungu maast ülles tülli ei sa neile perra lännu neid koddu kutsma, ja et temma Anton Goldbergi lönu ehk põlwiga pessnu ütles Johann Luhha mitte õige ollewat ja ei ollew temma külge mitte omma kät pandnu

Tunnistaja Karl Schuster ütles: kui Johann Luhha Anton Goldbergiga koddu omma lännu minnema nink tarrest wälja astnuwa om temma ka takkan tarrest wälja tulnu, Johann Luhha nink Anton Goldberg omma tarre nukka tade samo sis om Karl Schuster rehhe wärjo man kulu et Anton Goldberg om tännitanu, om Karl Schuster nukka tade kaema joosknu nink löudnu et Johann Luhha om Anton Goldbergi pääl põlwiga sällen olli ka (kats körd) Anton Goldbergile kats körd russikuga pähha lönu. Perrast kui Karl Schuster om üttelnu mes te teete om Johann Luhha Anton Goldbergi päält ärrä karranu ja een Koddu pole hakkanu minnema ja Anton Goldberg takkan, ja Anton Goldberg om Karl Schusterile üttelnu; sinna näijet et temma minnu pesnu om.

Juhann Luhha, ütles, minna Karl Schusterit tunnistajas ei wõtta, selle et Karl Schuster mittund körda nink ka tolsammal päiwal temma ristikhainu ülle lännu, nink Johann Luhha om Karl Schusterit wimat körda kinni wõtnu sis om Karl Schister Johann Luhhale üttelnu, ähwartamisi wisi "ko minna tahha kaija" ja arwas et neil nöu ütte om peetu.

Kohtu otsus:

Selleperrast et Anton Goldbergil ennegi pool tunnistust om, et moista kohhus Anton Goldbergile ütteki õigust.

Anton Goldberg es olle selle mõistmissega rahhul, ja pallel hendalle Protokolli anda, mes talle ka mitte keeltus es sa

Päkohtumees J Konts <allkiri>

Abbikohtomees Jaan Petso XXX

Abbikohtomees Jaan Wisk XXX