Ette tulli Ado Pilt ja kaibas, et Jakob Woit ja Michli Harro omma tema niidu suure karjaga ära söötnu ja sõknu ja tema nõud seda kahju 13 Rbl selle et neil olli 13 lehm ega lehma päält 1 Rbl. ilma lubbata omma nema kõik seda tennu.

Michli Harro wastud, et seeni ajani om Ado Pilt lubbanu karjaga käwwa tema niidu pääl, ent timahawa ei ole joht lubanu, ent tema arwas, et niisama om lubba kui seeni ajanigi karjaga niidu pääl käwwu ja om ka käünu.

Jakob Woit wastud kohalt niisama.

Mõistedi:

"Jakob Woit ja Michel Harro massawa kumbgi Ado Pilt hääs kahjo tasumist 5 Rbl katte nädali aja seen ja ei tohi ennamb ei sügise ei ka kewade karjaga Ado Pilt niidu pääl käwwu."

Se kohtu mõistmine om §773 ja 774 perra kuulutedu ja oppusleht wälj antu.

Pääkohtumees K. Lõhmus [allkiri]

Kohtumees T. Pild [allkiri]

Kohtumees Jaan Oppar XXX

Kirjotaja asemel P. Normann