Kahkwa kohtu majan sel 3 Dezember 1868.

Kaiwas Orrawalt Karl Kimmi, et Petra Palkow temma kobast kartohwlit ilma temma teedmata ärra winu. Petra essi olles ütelnu, et 3 wakka om neid kartohwlit ollu mes temma om Karl Kimmi kobast wõtnu. Ja Petra om ka temma käest 2 pessetu nahka ja 2 nakla ja 3 kotti lango lainus wõtnu ja ei massa mitte ärra.

Ette tulli Petra Palkow ja ütel, et Karl Kimi om temma kartohwlit kobast ärra warrastanu ja omma kopa winu, selle om temma ka K. Kimmi kobast 3 wakka ossa kartohwlit ärra wõtnu. Ja 2 nahka om temma kül K. Kimi käest lainus wõtnu ja se perrast temma ei massa, et K. Kimmi om umblemise aigo temma rõiwast 1 naggel ärra warrastanu ja langu ei olle temma mitte Kimmi käest lainanu.

Kohhus mõist, et Petra om ilma K. Kimita ja ka ilma kohtumeisteta Kimmi kobast kartohwlit wõtnu peab 2 wakka kartohwlit K. Kimmile taggasi masma ja et mitte tunnistust ei olle, et K. Kimmi olles tema rõiwast warrastanu, peab ka ne 2 nahka ja langad ja kottid K. Kimmile ärra andma.

Sel 17 märzil sai Petra 15 witsa läbi, et es olle weel ärra masnu.

Jakob Parmson
Peter Urgard
Rein Oinberg