Kahkwa kohtumajan sel 28 Januar 1869.

Kaiwas Pallumõisa mees Peter Leppits, et temmal om Johhan Linderi käest saada hobbese müimise man jäänu 2 Rbl 25 Kop.

Zea müimise man 1 [maha tõmmatud] rbl 40 Kop

Lauda raggumise eest 1 Rbl

Adra rauwad 80

Summa 3 Rbl 45 Kop

Ette tulli Johhan Linder ja ütel, et hobbese rahha om temma üts Rbl ärra masnu ja 25 Kop om weel wõlgo jäänu, ent näggijit ei ei olle kui temma om masnu. Ja lauda teggemise eest ei olle temma selle eest masnu, et Peter ei olle lauta walmis tennu. Ja adra rauwad om temma kül masmata ja arwanu, et olles napsiga tassa saanu.

Kohhus mõist, et Peter Leppitse ülles andmise õige om ja Johhan mitte ei wõi õiges tetta, et temma olles ärra masnu, peab J. Linder se üllewan saiswa 3 Rbl  45 Kop wälja masma. Johhan pallel, et kui Petre temmaga Märti päiwani kannatas, mes ka Peter lubbas.

Peter Urgard

Jakob Parmson

Gusta Sõugand