Kahkwa kohtumajan sel 24 Märzil 1869.

Kaiwas Ewa Lepland, et temma Wirksu kõrtsi mehhe Karl Naruskowi käest 30 rahha saada ollu ja sel 17 Märzil mõisast tullu om Ewa Wirksu kõrtsi sisse lännu ja üts toob wina wõtnu ja ütelnu: nüüd jääb se win to wõlla eest ja om wälja tullu. Sis om Karli omma poijaga perra tullu ja Ewad rindu piddu kisknuwa ming läbbi om Ewa sõlg ärra murtus saanu.

Ette tulli Karl Narruskow ja ütel, et Ewa om kõrtsi tullu ja tobi wina wõtnu ja ei olle mitte rahha masnu ja perst lakku andnu, sis om Karli Ewa särgi tahdnu säljast ärra wõtta ent Ewa ei olle, ei olle mitte lasknu, sis om Karli naine lännu ja Ewa korterist Ewa särgi ärra toonu. Kos 1 R rahha om karmanil ollu. Ent sõlge ei olle temma mitte murdnu. Ja ütel, et tema konnagi ei olle Ewale 30 Kop wõlgo jaanu.

Ette tulli tunnistaja Wido Kübbar ja ütel, et Ewa om tobi wina wõtnu ja ütelnu Karlile: nüüd olleme tassa. Sis om Ewa wälja lännu , sis om Karli perra lännu ja Ewa pääst rätti kisknu, sis om temma ütelnu: ärge tehke se assi lät halwaste. Ja Jaan Mit om se wina mes Ewa om wõtnu jagganu.

Kohhus mõist, et Karli peab 1 Rubla trahwi waeste ladiku masma ja Ewa 34 tunnil türma, et rismise modu om wina wõtnu ja kõrtsi rahwale ärra jodnu. Ja et Ewa ütel, et temal olles rahha särgi karmanin ollu, ei wõi se perrast õige olla, et särgi karman katski om, kos mitte rahha panda ei wõi.

Ent sai se mõistetetu Rubla Ewale antus, et tema ko ütelb, et temma sõlg olles ka klopi litsutu.

Peter Urgard

Jakob Parmson

Gusta Sõugand