Kahkwa kohtumajan se 24 März 1869.

Kaiwas Peep Simmulman, et temmaga om mõisa wallitsus rehhnungi ärra tennu ja temmal olles tullu mõisa käest wälja sada 8 R ja sel 23tal om temma mõisast rahhu saanu, sis om mõisawallitsus temmale 3 Rbl 60 Kop wälja masnu ja ütelnu, et 3 Rbl jääb trahwis, et P. Simmulmani naine olles mõisa wallitsusse H. Zärengele perset näidanu. Ent naine ei olle mitte muido näidanu kui H. Zäreng om naisele jallaga lönu ja käsknu rõiwid ülles wõtta ja ütelnu, et naisel om kartohwlit undriku al, sis olles naine piddanu rõiwad ülles wõtma ja näitama, et kartohwlit ei olle.

Peep Simmulmani naine nõus H. Zärenge käest 10 Rbl, et om temmale sapa nõnnaga perse lönu ja ütelnu: nõsta rõiwid kõrgemba. Tunistaja Willem Jürgensoni naine ütel, et wallitseija H. Zärens om tarre tullu ja ütelnu, et P. Simmulmani naisel om kartohwli undriko al ja käsknu rõiwid ülles nõsta ja tedda kutsnu ja käsknu rõiwid ülles tõsta. Temma om ka Peep Simulmani naise rõiwad ülles wõtnu ja kartohwlit ei olle mitte ollu.

Tunistaja Peter Laugasoni naine kõnel ka ni kui W. Jürgensoni naine kõnnelnu om.

Ette tulli mõisawalitseija H. Zärens ja ütel, et temma ei olle mitte jallaga lönu, om enne jalga tõstnu ja ütelnu sääl om kartohwlit.

Kohhus mõist, et H. Zärens peab Peep Simulmanile 3 Rubla wälja masma.

Peter Urgard

Jakob Parmson
Gusta Sõugand