Kahkwa kohtumajan sel 7 April 1869.

Kaiwas mõtsasaks J. Rosneek, et Ottu Lemming om mõtsawahhi Johhan Dobre ütlemise perrast mõtsast warrastanu 3 peddajat. 2 tükki 8 tolli paks ja 1 pedai 10 tolli. Ja Otto om need palgid Johhan Dobre nurme pääle wälja toonu ja perrast om Ottu naise essa säält ärra winu. Ja minnewa aasta om Ottu Lemming 10 roowi latti warrastanu ja omma tarre kõrwa mahha pandnu, kost J. Dobre om ärra leidnu. Ja Ottu Lemming om sel 25 Nowembril 1868 mõtsasaksa tarren kos kohtumehhe ka man om olluwa ütelnu, et temma om Werriorra mõtsast omma laudu tarwis palgid tonu ja ka ütelnu, et temmal om ne palgid wije mõisa mõtsast toodu.

Ette tulli O. Lemming ja ütel, et temma om to kõrd rummalaste jobnupäga mõtsasaksa tarren kõnnelnu. Ja ütelnu, et temma om ka möda mineja käest ostnu. Ja Wennemaalt Zolgo Sahhar ja Ort om ka temmale palke toonu ja temma tarrest om ka palke ülle jänu. Mes kohtumehhe ka om nännu, et Ottu tarrest om palke ülle jänu. Se lauda sees om 64 palki, neide seal 32 wastsed palki 26 tüki om 2 sülda 4 jalga pikka ja 5 tükki 2 sülda, paksus om läbbi seggi 7 tolli.

Sel 14 Aprilil 1869.

Ette tulli Zolgo Sahhar ja ütel, et temma om omast ostetu mõtsast minnewa suwwel Ottu Lemmingele pedaja ja hawa palke müinu ja Orrawa mõtsast om temma ka awwitanu O. Lemminge ladwa palke tuwa.

Zolgo Ort ütel ka ni samma kui Sahhar jo kõnnelnu om.

jäi pooleli