Kohtu een kaibas Gusta Mõtz: Et Juhhan Sarri nink Kaarli Adeli Hobbese omma minno nissu rõugu ärra söönu, ja Sarri hobbest olli minna nelli wuuri nisu rõugu päält ärra ajanu, nink Adeli hobbune olli ütskõrd ööse rõugu pääl, nink minna tõije selle hobbese päiwa tõssengu aigu ärra nink panni aija külge kinni. Kunna nüüd Gusta Mõtz sellega rahhule ei olle nink palles kohhut sedda asja perra kullelda nink säduse perra mõista.

Juhhan Sarri ette kutsuti nink kaibus ette loeti kelle pääle temma wastat: Et minno hobbene olli ütskõrd rõugu pääl arwata üts minnot, sest temma karras ristikhaina päält nink minna näije nink aije tedda õkwa ärra, ja temma hobbene olli ka essi nisu rõugu pääl.

Tunnistas Jaan Ramat: Et sedda nisu rõuku omma iks pea kiik Rentnike hobbese söönu, sest minna näije et Hernetsi nink Eduard George hobbene olli ka nisu rõugu pääl.

Kaarli naine Mai Adel ette kutsuti  kes selle kaibuse ette luggemise pääle wastut: Et minno hobbene läts ka sis weel nisu rõugu pääle kui muu hobbese jobba rõugu olliwa ärra söönu.

Hernetz ette kutsuti  nink kaibus ette loeti kes selle päle wastutas: Et kui näggija om et minno hobbene nisu rõugu pääl om olnu sis tahha minna sedda wälja massa mes temma kurja om tennu.

Kui neil kellekil ennamb selle asja perrast ütlemist es olle moistis Kohhus: Et Juhhan Sarri nink Kaarli Adel maswa kumbgi Gusta Mõtzale 62 1/2 Kop hõb. ehk 5. Garnitz nisse. Nink Hernetz Runthal nink Eduard George maswa kumbki 37 1/2 Kop hõb. ehk 3  Garnitz nisse katte näddali perrast ärra.

Moistmine nink § 773 nink 774 sai kohtun käujile ette  loetus konn nemma ka kiik sellega rahhul olliwa.

Jürri Kramp xxx

Mihkel Soldan xxx

Gusta Rautsep xxx

Kirjotaja August Hallap[allkiri]