Kohtu een kaibas Mai Adel: Et Juhhan Terri nink Gusta Mõtz zea omma minno keswa rõugu ärra söönu nink palles kohhut sedda asja perra kullelda nin säduse perra mõista.

Gusta Mõtz ette kutsuti kes kaibuse ette lugemise pääle wastutas: Et minno zea ei olle mitte keswa rõugu pääl olnu minna sedda ei olle mitte nännu.

Juhhan Terri ette kutsuti nink kaibus ette loeti kes selle pääle wastus: Et kas minno zea ütsinda omma keswarõugu olnu, et kui Mai Adel omma keswa rõugu eest minno käest massu nõud sis peat temma mulle ka masma selle eest et temma hobbene olli ütte öö minno keswa rõugu pääl.

Juhhan Kõiwer wastut: Et minno zeal olli karjus man. kas nemma omma keswa rõugu pääle puttunu wai ei olle sedda menna ei tija.

Juhhan Sarri ette kutsuti kes wastut: Et kas minno zea omma keswa rõugu pääle puttunu wai ei olle sedda minna ei tija.

Kui neil kellekil selle asja perrast ennam middagi ütlemist es olle moistis Kohhus: Et Juhhan Terri nink Gusta Mõtz maswa kumbki Mai Adelile 10 Garnitz keswi ehk 87 1/2 Kop hõb. nink Juhhan Kõiwer nink Juhhan Sarri maswa kumbki 4 Garnitz keswi ehk 35 kop katte näddali perrast ärra.

 Moistmine nink §773 sai kohtun käüjile ette loetus kon nemma ka sellega rahhule olliwa

Jürri Kramp xxx

Mihkel Soldan xxx

Gusta Rautsep xxx

Kirjotaja A Hallop [allkiri]