Kohut een kaibas Mõisa Wallitseja Schäffer: et Juhhan Kõiwer om Tille Mõisa tallin linno rabbanu nink Petroleumi lamp om ilma latternada kesk paigan pallanu nink nemma omma ümbre zõõri linno rabbanu et kui se lamp olles ümbre lännu sis olles se Tall kiik ütten tulle kirren olnu. Nink palles kohhut sedda asja perra kullelda nink sääduse pertra moista.

Juhhan Kõiwer ette kutsuti nink kaibus ette loeti kon temma ka sedda es wabbanda, et temmal ilma latternada Petroleumi Lamp palli nink essi sääl man linno rabbasi, nink ütles et temmal latterno Kruut om katski olnu selle perrast om tema se lampi ilma latternada pallama pandnu.

Kui neil kummakil selle asja perrast ennamb kõnnelemist es olle Moistis Kohhus: Et Juhhan Kõiwer massap 5 Rubla trahwi selleperrast et temmal ilma latternada Petroleumi lamp om pallanu nink essi sääl man Linno rabbanu, ja 2 Rubla sest trahwi rahhast saab waeste hääs nink 3 Rubla Mõisale.

Moistmine nink §773 sai kohtun käüjile eiie loetus kon nemma ka mõllemba sellega rahhule olliwa.

Jürri Kramp xxx

Mihkel Soldan xxx

Gusta Rautsep xxx

Kirjotaja August Hallap