Tulli ette Warbuse Moisawallitsusse Assemnik Kubjas, Johann Rocht, ja kaibas, et Kusta Mäggi   [Kes nüüd Karrasky Koggokonnan all ] ellap ollewa minnewa asta Warbus'e Moisan pooleterra pääl (Perremees) ollnu, nink  om Warbuse Koggokonna Kohto een sel 10.mal Nowembril 1874. omma pooleterra piddamist ülles andnu, ent ollewa perrast sedda ülles ütlemist jälle taggasi pallelnu, kos Mõtsawacht Johan Trollmann sedda wõiwat tunnistada, nink Jürripäiwal 1875. siski ärra lännu, ja nõuwwap selle perrast et ei olle teist pooleterrameest saanu, Rechnungi perra 288 Rubla 70 Kop hõb: kahjotassomist.

Kutsuti ette Kusta Mäggi, ja sai üllewal nimmetedu Kaibus ette loetus, kes selle pääle wälja ütles, minna olle õigel ajal ülles üttelnu, tagasi ei olle minna  mitte pallelnu, nink Herra om minno Jürripäiwal Kolme Kohtomehhe een illusaste wallale lasknu, ja kik ärra selletanu, mes minnul weel Herra poolt pääle panti tetta olle minna kik ärra täütnu, ja Herra ütles minnul weel essi, minna olle sinno assemel, Peter Jõggesu jälle pooleterramehhes wõtnu ent jäämissest es lausu Herra mitte ütte sõnnagi, sedda woiwa kik kolm Kohtomeest tunnistada.

Kutsuti ette tunnistaja Mõtsawacht, Johan Trollmann ja sai kohto poolt selle Kusta Mäggi taggasi pallemisse perrast küssitus, kes selle pääle ütles, et Kusta Mäggi ollewa tedda pallenu ja üttelnu, olge ni hää ja üttelge Herral et minna jää jälle Herra mannu taggasi, ja temma J. Trollmann ollewa Herral ütelnu, selle pääle ollewa Herra üttelnu, hää küll kui Kergüllasmees taggasi jääp, ja kolmas kõrd om temma mann olnu Kui Kusta Mäggi om Herral üttelnu, minna ei woi Taggasi jääda, minno silma omma haige nisamma ka minno Naisel, meist ei sa herra tööteggijit sis tullep ennegi Herra wasta pahhandust, selle pääle ollewa Herra üttelnu minna ei lasse sinno mitte wallale.

see assi om olnu paar Näddalit enne Jürri päiwa.

Kutsutu jälle ette Kusta Mäggi ja sai J. Trollmanni tunnistus ette loetus, kes selle pääle ütles, se om tühhi jutt, minna saije essi egga päiwi Herraga kokko, mes perrast minna sis Tõlgo läbbi pidi Herral Sõnnumit saatma n:n: e:

Sai ette kutsutus Warbuse Pääkohtomees, Johan Rocht, ja sai selle Kusta Mäggi wallale laskmisse perrast küssitus, Kes selle pääle wälja ütles, et Herra ollewa Kik Kolm Kohtomeest Moisa tallitanu sel 22mal Aprilil 1875. nink nimmelt ärra minnejatte pooleterrameeste perrast, et meije piddime mann ollema, Kui Herra neidega omma asja selletas, ennegi Kusta Mäggi wasta es olle Herral muud middagi ütlemist, kui rahha asja perrast ja muud ni suggust Maja tallitust mes temmal weel tetta olli sai meije poolt Käsk antus et piddi Herra tahtminne ärra tautma.

Ent taggasi jäämissest ehk taggasi keelmissest es lausu Herra mitte ütte sõnnagi.

Kutsuti ette Warbuse Kohtomees Johan Suremae, ja sai nisamma küssitus kui üllewangi, kes kik üttel õige ollewat, mes Pääkohtomees Johan Rocht olli wälja üttelnu.

Kutsuti  ette Warbuse 3Kas Kohtomees Johan Sõrrason, ja sai nisamma Küssitus Kui üllewangi, kes  ka kik üttel õige ollewat, mes Pääkohtomees , olli wälja üttelnu.

Otsus

Kohhus arwas e wallitsusse Kaibusse tühjas, selle perrast et kohtomehe omma wälja üttelnu, nink Selletusse aigo Jürripäiwal ei olle üttegi  keldu  taggasi pallamisse ehk jäämisse perrast olnu, ja Kusta Mäggi om sedda kik ärra täütnu mes temmal Kohtomeeste poolest olli ülles antu ärra tetta,

Sai Kohtomoistmine ja  §773 n: 774 Kohtunkäüjatele ette loetus, ent Warbuse Moisawallitsusse assemnik Kubjas Johan Rocht es olle sellega rahhul, et arwas hendal liiga tehtu ollewat, ja pallel Protokolli, mes Kohhus Ka lubbas anda

(Allkirri)

(SS) Walja antu ärra Kirri sel 7dal Julil 1875.