Lewil sel 30 Juni 1876

Man olliwa: Pääkohtomehhe abbi Jaan Taal

abbikohtomees Joh. Kausar

" Joh Suits

Ette tulli Jakkob Kriwa ja kaibas et temma Hindrik Kikkas käest 15 taldri maad Prazi tallo renti päle wõtnu ja piddi olema 7 wakka maa rükka ollema ent nüüd mitte suggigi kaswanu ei olle, ennamb kui ütte wakkala arwata kiik röa nurm kokko ja nõwwap nüüd selle eest 150 rubla rahha ja 400 Lpf [leisikat] õlgi nink sis woip temma röa süggisel röa mahha külwe ja Hindrik Kikkas woip sis ne röa mes kaswawas essi poimada ja ollewat selle perrast ne röa ni kõhna et ollewat minnewal süggise keswa assemele mahha külwetu nink ollewat selle man tunnistaja Peter Meos. Hindrik Kikkas ütles et kiik röa ei olle mitte keswa assemele tettu, ennegi se rügga mes aija ma päle om tettu arwata 1 küllimitala nink kaswap ka sääl nüüd rügga. Tunnistaja Peter Meos ei olle tulnu.

Moistet

Tõises kohto päiwas tunnistaja Peter Meos ja ne mõllemba tallitada.

Se moistminne om § 773 ja 774 perra kuluted.

Pääkohto mehhe abbi Jaan Taal XXX

abbikohtomees Joh. Kausaar XXX

" Joh. Suits XXX

Kirjotaja. [allkiri] Jõggewa

N 25.