Kohtu een kaibas Jaan Watt: et d      Gusta Rautsep temma haina kuhhi ollu  Jaan Hindoola pool olnu ja temma olla sinna kuhjast hainu lännu otsma reikesega, ja sis olla Jaan Hindoola omma naisega tulnu, ja olla tedda sääl haina kuhja man kinni keutnu ja pesnu nink pääsisse mulgu löönu ja põlwe ka ärra pesnu, ja olla tedda sis koddo poole mõtsa saatnu ja iks pesnu ja sis olla temma kige omma naisega koddo poole tagasi lännu.

Jaan Hindoola ette kutsuti kes wastut: Et minna tahtse kül tedda haina kuhja man kinni keuta, ent temma es lasse mitte ja sedda minna ei tija kost tälle se mulk pääsisse om saanu, ehk kes temmale põlwe päle leije wast minno naine Mai temmale leije, kui ta minno naisele leije ent minna es löö temmale mitte, ent temma leije mulle kolm kõrd kui minna keeli tedda haina kuhjast wõtmast.

Kohtumees Gusta Rautsep kes neid jälgi hainakuhja man ülle kaije kes  tunnist et jällist om tutta et Jaan Watt mitte haina kuhja man kinni ei olle keudet woi olla et nemma tedda tarre man kinni keudi ja sis tedda läbbi mõtsa koddo sadi.

Kui neil selle asja perrast ennamb middagi ütlemist es olle 

Moistis Kohhus:

Et Jaan Hindoola massap 1 Rbl trahwi waeste ladikehe ehk wõttap 5 witsa lööki selleperrast et temmal es olle õigus hainu kuhja manno Jaan Wattuga taplema minna enge temma olles piddanu Jaan Wattu päle kaebama kui Jaan Wattul mitte õigus sest kuhjast hainu es olle wõtta.

Moistmine ja § 773 sai kohtun käüjile ette loetus kon Jaan Hindolla ja Jaan Watt kulutiwa et nemma selle moistmisega rahhule  ei olle.  Ja Jaan Watt palles Protocolli wälja mes temmale ka anda lubbati.

Jürri Kramp xxx

Mihkel Soldan xxx

Gusta Rautsep xxx