Peeter Kolk kaibas, et tema sulane, Aadam Rammul, keda ta Warbuse wallast hendale sulases oli kaubelnu 26. Mail s.a. tema mant ärä lännu teenistusest ja ei ollew selle ajani weel mitte tagasi tulnu. Tõiselt kaibas Kolk weel: Kui Aadam temä man teenistusen olnu käünü ta ega ööse kottust ärä nii et päiwal temäst enamb kellegi töötegijat ei ollew; Kos kui temä Aadamil midagi käsknu tettä, see ei ollew mitte tennu, ehk kui ta tennu, sis üle keelo;  niisama peswät Aadam ka alasi hobesile pähä, kui ta hobestega töön ollew. 19. Mail lännu Aadam selleperast ärä, et temä oli Aadamile üttelnu, et ei tohi mitte hobest kündmise man ristikhaina ega niidu pääle ajada, waid peap otsase jätma, et muido hain saap ärä sõkkuto, kelle pääle sis Aadam wastutanu: " Sino kuradi tahtmist ei jõua keaki tettä." Jätnu hobese adraga nurme pääle ja lännu ärä, kost temä sis 20. Mail jälle tagasi tulnu. Aadam olewat ka ähwardanu üttelden:" Kui Kolk sügüse katte rihega nakkas rihi pesmä, sis ma palota tõise rihe ära." Selle tunnistaja ollew Jakob Saalis ja Hükko kõrdsimees, kes seda olewat kuulnu. Lõpetuses kaibas Kolk weel, et kui Aadam ööse hulkma minewat, sis wõtwat temä ehk temä sooja saapa ja rõiwa, kellega ta minnew ja kui ta hommuku tagasi tullew, sis wiskawat saapa ja rõiwa kohes enne saawat.

Aadam Rammul wastutas selle kaibduse pääle, et tema see aig, kuna ta Kolga mant teenistusest ärä om olnu, haige olnu ja selleperast ei ole mitte wõinu teenistuste tagasi minna. Pääle selle ütles temä weel, et ta ei wõiwatgi Kolga teenistuste tagasi minna, selle et Kolk tedä alati peswat ja sõimawat wargas, et temä ollew ka Kolga poisi wargas oppanu.

Otsus: Aadam Rammul peap oma peremehe P. Kolk mano tagasi minema ja tõise kohtopäiwani ilosaste teenmä, kuna sis tunnistaja saawa tellitus ja kog. kohto mõistmine kuulutedus.

G. Weitz XXX

A. Org XXX

G. Asi XXX

Kirjot.: Luik [allkiri]