N 53.

Lewi kogokona kohus sel 24 Julil 1885

Koos olliwa Pääkohomees Hendrik Kikkas

Kohtomees Kusta Moistus

Abi  " : Jaan Meos

Karl Lauk kaebuse pääle seat 26.  Juni 1885 tulli kaewataw Johann Kerblane ette ja and wastust et tema sellest laulatus kul sõrmusest midagi ei tija ja ei wõi midagi antu kaebuse pääle midagi muud üttelda, kui ennegi seda et tema ühe sormuse Worro Jaarmargi päält om ostnu ei tea ka üttelda kas kuld hõbe ehk prongs om olnu.

Tunnistaja Karl Tigason  luteri usku tulli ette ja and tunnistust et tema kül enne küünle päewa Karl Sabbe käes om kuulnu et temma Johann Kerblase lawwa suhwladikus sõrmust om nännu ent ei ole mitte tähele pandnu kas kuld wask ehk tombak om olnu mes Johann Kerbläne Wõrro Jarmargi päält s. s. olewat ostnu.

Tunnistaja Carl Sabe  tulli ette ja and tunnistust et temma küll Johann Kerblase lawwa suhwlis ütte sõrmust om nännu ent ei tea üttelda kas kuld wask ehk tumbak om olnu.   

Sellepääl tulli weel ette Johann Kerblane ja ütles kuna tema käest sai nõutud  kost temma se sõrmuse mes enne Jaarmarki tunnistaja perra tema suhwladikus om olnu saanu om ja and siis wastus et temmal enne Jaarmarki üttegi sõrmust ei ole olnu. Pääle selle es ole mõlemale kohto kaijadel kui nende käest sai küsitud midagi ütlemist.

Moistmin 

Kuna selget tunnistust ei ole et se Karl Lauk laulatus sormus om olnu om se kogokona kohus Karl Lauk kaebuse wasta Johann Kerblane tühjas moistnu. Mõistmine saije kohto  kaijadele § 773 - 774 perra ette kuulut.

Pääkohtomees

Kohtomees

Abi "    "   

Kirjotaja [allkiri]  P Perli.