Wanna Koiola koggokonna kohtun Wissen, sel 10tal märzil 1875

Man olliwa kohtowannemb, Jaan Pihho

                   Kohtomees, Joh. Keerd

                    Kohtomees, Karel Kooskora

Soldat Jaan Ostra kaibap Jaan Plak päle, säitse aastat taggasi enne soldatis minnekit olla ta Plakki teenu 30 rubla eest; ent to kõrd sest rahhast 4 rublat mas-

mata jätnu. Nõwwap nüüd kätte.

Jaan Plak wastutas: Minnol jäi ka tokõrd 1 käsk ta kätte ja tõiselt olli minno lepping 25 märzini tem(m)aga tet, nink 30 rubla eest piddi ta sinna wälja teenma; ent anti jo januari ku lõppul soldatis ja jäije kats kuud teenmata.

Jaan Ostra wastutas: Se kask olli wäega kõhhen; nink egga ma om(m)a tehtmisse perrast soldatis es lä; perremees piddi mo palk wälja masma

Moistetu: Et Jaan Ostra ütlep kaske sanu, mes kõhhen; - se ei puttu, sis es peagi tedda ka wasta wõtta. Tõiselt et kats kuud teenmata jäänu, ei woi ka perre-

mehhe kahjo olla. Sis oke Jaan Plak jobba katte wõrra sedda 4 rublat ärra tassonu.

Otsus: Ei olle kumb kum(m)agi käest nõudmist. -

Kohtokäüjile otsus ette loetu, suremba kohto käümisse sädus § 772, 773 n 774 perra kulutedu. -

                      Kohtowannemb; J Pihho

                      Kohtomees, Johann Keerd  XXX

                      Kohtomees, Karel Kooskora  XXX

                          Kirjotaja, J. Käis

Protokoll ei olle lubbat, ent oppus leht täämba Jaan Ostra kätte antu.