Sel 30 Julil 1865.

Kohto man olli: Johan Waldson pämees

Jürri Ernitz - kohtomees

Jürri Sokka - kohtomees

Marri Pangsep kaibas, mõisawallitseja Müller ollewad temma poiga Mihkeld, kes Käppatallon karjosen om, karjaman pesnu, kabla käeotsa pannu nink Obbese kõrwal mõisa toonu - pois om Aige olnu. 

Antis tunnitsajas: Liis Luht, Kodjerwe wallast.

Liis Luht tunnistas: temma om2 ehk 3 waggo maa taggust nännu et üks mees Ratsal obbesega om Käppa karjapoisi Obbeseseljast kaks kõrda woi rohkem keppiga woi Witsaga pesnud et plaksminne ärra kuuldu - sis Obbese seljast mahha tulnu nink Kaplaga poisi Obbese kõrwale wõtnu nink mõisa tulnu Mahhalöömist ei olle Naine nännu.

Karjapois Mihkel tulli ette nink wastas küssimesse päle, Wallitseja om tema Ellajad kinnai aijada tahtnu, temma om Ellajade een saisnu - wallitseja om Obbeseseljast mahha tulnud, nink tedda kaks kõrda löönu witsaga, sis kabla käe otsa pannu nink Obbese kõrwal mõisa toonu.

Kohto otsus

Et löömisse ülle selged Tunnistust ei olle, nink wallitseja essi tunnistab weddanud ollewad, massab Wallidseja 1 Rubla karja poisile.

XXX Johan Waldson

XXX Jürri Ernitz

XXX Jürri Sokka