Abikohtomees Peter Partz kaebas, et koolmeister Adam Martinson om minno teise innimese wasta teotanud ja üttelnu, et minna tütriko man kaenu maggama, agga minna (Peter Partz) tahhan tunnistus anda, et koolmeister kamber pääle wanna naese man kaenud ja latterna selle kaemisse man katski lönud ja koolmeister om koggokonna kohtole küssinud, kas temma woiwad Ann Michelson püssiga hirmotada.

Tunnistaja Peter Tämm aste ette nink ütlep: minna näggin, et koolmeister reddeli möda kambre pääle ülles läks ja Ann Michelson ka säält üllewan olli, müido ei olle minna nännu.

Tunnistaja Jaan Wahhimäggi ütlep, et koolmeister ütte wanna naest nõiast koddon toonu ja minno pääle süidi pandi, et minna temma ziale teije sälga pandnu ja koolmeistri ütli: mul om üts hä nõid Walgota wallan, kui essä peas ärrakoolma, siis om temmal poig, kes sedda ammet moistab.