Peter Partz kaebas, et temma Adam Päsoke Kesti tallo müinu ja se pääle Adam wõlgo jäänu 85 Rubla a selle eest 1½aasta intressi ja siis om Adam temmal 100 Rubla üts aasta ildemat masnu kui kaupa teggemisse man kubbanud, sele eest 5 Rbl intressi ja pääle se 1 wakka linnaseemet 5 Rubla, üts ader 70 Kop, üts põõr 60 Kop. 8 tt ristikheina seemet 1 Rubla ja 1 wakk ernit 3 Rubla. Minna nõuan keik se wõlgo Adam Päsoke käest kätte saada.

Adam Päsoke wasta: 85 Rubla ollen minna wõlgo, agga se rahha es olle mitte minno käen intressi pääle, waid maia müimiisse man. Peter Partz ütli: massago mul se wõlg siis kunnat sul woimalik om ja 5 Rubla 100 Rubla eest ei tia minna middagi, se rahha ollen minna masnu. Üts wakk linna seemet, üts ader, üts pööri, 8 tt ristikhaina seemet ja üts wakk ernit ollen minna wõlgo, agga meil om kaup tettu, et Peter neid asjo peast taggasi wõtma, müid kui põõra pääle om hind pool rubla pääle pantu ja minna woin ka neid asjo sedda maid Petril taggasi anda.

Tunnistus neil kummagil selle asjo eest ei olle.

Mõisteti: Adam Päsoke peab keik ne asjo, 1wakk linna seeme, 8 tt ristikhaina, 1wakk ernit ja 1 ader, agga põõra eest peab 50 Kop. ärra masma. Peter Partz peab indressi nõudmist ilma jääma. Agga Adam Päsoke peab 85 Rubla wõlgo ja sest paewast saab ka selle summa 5% intressi arwatu. Se rahha olgo ütte kuu aija seen ärramasta.

Mõistus kuulutedi §773 selletamissega.